قصيدة ..كلمينى يا رصاصة ….”مفيش اروع من كدة”

قصيدة ..كلمينى يا رصاصة ….”مفيش اروع من كدة”

كلميني يا رصاصة .. كلميني وطمنيني؟؟
لما كنتي في قلب ابني.. اتوجع؟؟ طب كان بيبكي؟؟ طب مات جدع؟؟

طب حس بيكي او اتصرع؟؟ و انتي داخله بكل قسوة تقتليه.. كنتي عارفة انك رايحة تحرميه من حياته ومن حياتي؟؟

هوه كان اطيب ولادي.. كان يوماتي يبوس ايديه.. و يقرأ كل اللي في عنيه.. و كان بيقضي حاجاتي ليه..

كنت لما يوماتي اصلي.. ادعيله من كل قلبي.. يفضل طول حياتي سندي.. و بعد ما اموت يبقى لي صدقة.

بس انا عشت وهوه مات.. ارهاب خد عمره سرقه.. و ساب بموته في قلبي حرقه..

يا رصاصة.. هوه انتي حالفة تختاري الشباب؟؟؟
و بعد موتهم برضه حالفة تسكني جوه قلب الأمهات؟؟؟

كلميني يا رصاصة.. كلميني يا رصاصة

لما كنتي في قلب ابني.. اتوجع؟؟ طب كان بيبكي؟؟ طب مات جدع؟؟

 

عمرو شاهين

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *