رسالتى للجميع ..فليتذكروها ….بقلم محسن بدر

رسالتى للجميع ..فليتذكروها ….بقلم محسن بدر

ناس كانت تصفق لى قبل ذلك لكشفى فاسدين…الآن تشتمنى لكشفى فسادهم…وإليكم التفاصيل..
اكتب عن مخالفات البناء على الأراضى الزراعية. .يقولوا انت مش وراك غير الكتابة فى مخالفات البناء
اكتب عن سلبيات المحافظ ..يقولوا انت مش وراك غير المحافظ
اكتب عن ابراج الواسطى ال اندفع فيها مليون و750 الف من المحافظة كقرض علشان يزيلوها والمحافظ مش قادر ينفذ أو يرجع فلوس المحافظة. .يقولوا انت مش وراك غير ابراج الواسطى المخالفة
اكتب عن فساد المحليات.. يقولوا انت مش وراك غير المحليات.
اكتب عن فساد بعض رجال الأمن. ..يقولوا انت مش وراك غير الأمن.
اكتب عن برج النحال الطبى وبناء أدوار من شأنها انهيار البرج على الاهالى…يقولوا انت مش وراك غير برج النحال.
اكتب عن الأزمات والمشاكل فى كل قرى ومراكز المحافظة بالمستندات ..يقولوا انت مش وراك غير انك تتصيد الاخطاء.
اكتب عن الفساد فى الغرفة التجارية..يقولوا أن مش وراك غير الغرفة التجارية.
اكتب عن رئيسة حى وبعض مخالفاتها. ..يقولوا انت مش وراك غير الست دى.
اكتب عن سلبيات مدير مكتب المحافظ..يقولوا انت مش وراك غير دة.
اكتب عن المرتشين والحرامية ..يقولوا انت مش وراك غير المرتشيين سيبهم ياخدوا.. انت مالك.
اكتب عن الفساد والتواطؤ من قبل الجهات الرقابية على أرض مصنع الكوكاكولا بأسيوط. .يقولوا انت مش وراك غير مصنع الكوكاكولا.
اكتب عن المية الفاسدة ال الناس بتموت منها..يقولوا انت مش وراك غير شركة المية.
اكتب عن التربية والتعليم…يقولوا انت مفيش حاجة وراك إلا التربية والتعليم .
اكتب عن الفساد فى الصحة ومستشفياتها يقولوا انت مش وراك غير الصحة.
اكتب عن الزبالة ال مالية الشوارع…يقولوا وانت مالك ..سيبهم فى حالهم.
اكتب عن عضو مجلس نواب واكشفة للناس ,,يقولوا انت عاملة مكيدة.
واكتب عن كذا وعن كذا…يطلع شملول يقول انت مش وراك غير دة
أى حاجة وكل حاجة لما أركز عليها علشان حملتى الصحفية تنجح. ..يسيبوا ال فات …ويمسكوا فى ال انا بكتب فية….
ينسوا ال انا عملتة من 15 سنه و حتى الآن وحرب الكبار ضدى مثل محافظين سابقين واباطرة الحزب الوطنى وعلى رأسهم عبدالمحسن صالح (الرجل الأول فى اسيوط)…وحرب رجال الأمن حتى الآن …وحرب اللصوص والمرتشين وأصحاب المهنة.
نسيوا كل حاجة ومسكوا فى الموضوع ال انا عامل حملة صحفية علية بالمستندات التى وصلتنى…وتأكدت من صحتها.
نسيوا حربى ضد اى فاسد…نسيوا انى تعاونت مع جهات رقابية وأموال عامة لكشف مرتشين بالصوت والصورة. ..وقالوا انى بعمل كدة علشان ليا مصالح…
ليا 17 سنة شغال فى الصحافة ..وماشى على نفس السيستم والمبدأ. .مغيرتوش ..
الاتهامات والشتيمة التى أجدها من بعض الناس الآن. ..هم نفس الناس كانوا يصفقون لى قبل ذلك لكشفى فساد غير فسادهم .

الناس مش عارفة انى شغال صحفى..وعضو نقابة صحفيين رسمى ،، بأخد فلوس على عملى دة،،ولا الاتهامات بتقول انى مش صحفى زى ما قالوا لياسر الدسوقى محافظ اسيوط .
لن التفت إلى أى أفاق يوجة لى السباب واتهامات خاطئة….ولكنى لا اترك حقى لأى شخص تعدى عليا بأسلوب رخيص..
لو وجدت اننى أخطأت بك بالمستندات. ..فواجهنى بالمستندات…أم أنك تواجهنى بالسباب فأنا قادر انى اكتب عن ملابسك الداخلية ولونها.

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *