الرئيس المعزول يهدد «أمريكا مش هتسكت»

أحمدالجارحى

كشفت مصادر أمنية عن أن محمد مرسى، الرئيس المعزول، أصيب بالصدمة عندما علم بإحالة أوراق الدكتور محمد بديع، مرشد تنظيم الإخوان، و682 إخوانياً، إلى المفتى، وإعدام 37 آخرين، وانفعل على حراسه صارخاً: «انتو هتعملوا إبادة جماعية ولا بتخوفونا»، وتابع: «إحنا مش بنخاف واللى انتو بتعملوه ده بيزيد من العنف والشباب مش هيتراجع، ومحدش هيسمح إنه يتم إعدامى، كنتوا عدمتوا مبارك، مش جايين تحاولوا تخوفوا الإخوان بإعدامنا».

 

وأضافت المصادر أن «مرسى» قال: «هو السيسى عايز يعدم كل الإخوان قبل ما ييجى الحكم، الكلام ده مش هيحصل وحتى لو جه مش هنسمح ببقائه فى سدة الحكم، اللى بيحصل ده اسمه تهريج، والعالم كله، وخصوصاً أمريكا مش هتسكت على إعدام الإخوان، إحنا مش فى عهد عبدالناصر ولا السادات، حتى همّا مقدروش يعملوا كده أصلاً، واتصالحوا فى الآخر».

 

وتابع: «مش هنتصالح غير لما نخرج من السجون، ولو كان ده حصل فى عهد الإخوان كانت الدنيا ومنظمات حقوق الإنسان قامت ومقعدتش، ومش هنسكت على اللى بتعملوه، والسيسى وراء كل ما يحدث قبل الانتخابات الرئاسية لمنع أى مظاهرات، لكن ده مش هيحصل».