أحمد سعد يكشف سبب إهداء جائزته لمحمد رمضان: صداقة تجمعنا وتفهم فنُّه

كشف الفنان أحمد سعد سبب إهدائه جائزته للفنان محمد رمضان، في مهرجان الفضائيات العربية 2023، الذي أقيم الأسبوع الماضي، إذ أكد أن هناك صداقة قوية ربطت بينهما، لذلك قرر أن يمنحه جائزته بالمهرجان.

تصريحات أحمد سعد بعد فوزه بجائزة أفضل مطرب
وقال أحمد سعد خلال لقائه مع ET بالعربي: دا حبيب قلبي، الناس دايما تحب التحدي والمنافسة، أنا شخصيا لما بشوفه بتبسط وهو بيتبسط لما بنهزر مع بعض، جت لي مكالمات في إيه بينك وبين رمضان في كل الحب بينا.

وأضاف أحمد سعد: اتبسطت أكتر من الناس بحفلاتي الأخيرة، بشكر ربنا دايمًا، لأن طول عمري بتعب وبعمل كل اللي علي، لكن ربنا كرمني، ومبحبش الناس اللي بتقول إن زادت عبقريتي وفهمي للسوق الفني عشان كدة ربنا أكرمني، أنا ربنا اختار يكرمني دلوقتي لحكمة يعلمها.

وأضاف حمد سعد: زمان كنت بغني أغاني صعبة وفيها طرب، دلوقتي بحب الناس تغني معايا، حاليًا مش خايف من الغرور، لأن فيه فرق بين الغرور والثقة بالنفس، وأنا بعيد كل البعد عن الغرور، بمتن بالفضل للناس اللي وقفت معايا، منهم الملحنون والشعراء هما السبب الرئيسي في نجاحي.

وتصدر أحمد سعد تريند مواقع التواصل الاجتماعي، بعد إهداء جائزته لـ رمضان، حيث قال الفنان لحظة تسلمه الجائزة: ألف شكر أنا بهدي الجائزة دي لمحمد رمضان، عم العالم، وأنا تأثرت بـ مقدمة هالة سرحان، = وشكرًا جدا لكل الناس اللي دعمتي وصوتتلي.