زينة تكشف عن تجربتها في تقديم دور السيدة الإسكندرانية وتؤكد عشقها لأفلام تاريخية

كشفت الفنانة زينة، أنها سبق وأدت دور السيدة الإسكندرانية من قبل، في مسلسل عفاريت السيالة، وذلك تزامنًا مع تعاقدها للمشاركة في فيلم الإسكندراني، إخراج خالد يوسف.

وقالت زينة في المؤتمر الصحفي المنعقد لكشف تفاصيل فيلم الإسكندراني: عملت دور إسكندرانية في عمل لأسامة أنور عكاشة، هو عفاريت السيالة مع العظيمة عبلة كامل، وتعبت في الشغل اللي جالي لكن متعبتش عشان ييجي ليا شغل.

وأضافت زينة: الأسماء الكبيرة دايما بتخدم صاحبها، لما أشتغل مع حسين فهمي وخالد يوسف حاجة تخدم ليا، وبحب أعمل أفلام تجارية وتجيب فلوس، لكن كل شوية يكون ليا ضربة مهمة عشان تثبت اسمي، أنا لازم أعمل تاريخ، لازم أشتغل مع نجوم كبار عشان التاريخ.

فيلم الإسكندراني
يضم فيلم الإسكندراني عدد من الفنانين، أبرزهم الفنان أحمد العوضي، زينة، حسين فهمي، انتصار، محمود حافظ، صلاح عبد الله، محمود الليثي، وآخرين، والعمل من تأليف الكاتب الراحل أسامة أنور عكاشة، وإخراج خالد يوسف.