‏كيف أنت يا عذاب العمر ..؟

شعر : أميرة مصطفي

‏أتمنى تكون بخير واتعودت خلاص‏ علي غيابي ولا وجودي من الأول كان مجرد سد خانه
‏ ‏بس انا مش بخير ‏ومازلت‏ بتوحشني ‏وبتوحشني كل ذكري وتفاصيله صغيرة بتمر عليا
و‏بيوجعني ‏قلبي من كتر التساؤلات عليك‏ ‏ومبكنش ‏عارفة أرد أقول ايه ‏وأنا أصلا معرفش عنك حاجة ف بكتفي إنك بخير
‏أحب أقولك ‏إنك كنت انانى اوي ف قرار بعدك ف ‏إنك ‏‏خذت القرار ‏لوحدك ونسيت كل ذكرى حلوة بيننا وكل وعد قطعته على حالك
‏بس قرارك ده دمر حياتي رغم إني مخدش منك ثواني وخد مني عمري كله
‏وخلتني احس وقتها أن روحي بدأت تنسحب مني لأني كنت بحبك اكثر من نفسي قربك ‏وحبي ‏من البداية كانوا في النهاية هما سبب وجعي
‏ يومها جالي انهيار عصبي ومن وقتها وأنا بتعالج منه أو يمكن منك بقيت أخذ ‏حبوب مهدئة لفترة طويلة مش فكرها.
‏حاولت بعدها اعمل حاجات كتير بحبها عشان أنسه عدم وجودك بس كل حاجة كانت بتفكرني بيك اكتر ‏وتفكيري بيك كان دائما شغال وقتي وعقلي.
‏مش عارفة دلوقتي اجري ع مين ‏الأول كنت ببهدل ‏كل حاجة وآجيلك ترتبهالي من تاني ‏عاوزه أقولك أنا مش مسامحة أي حد كان سبب في اللي احنا فيه .
‏المفروض إنك مشيت خلاص بس ليه سبت كل الذكريات دي والحزن اللي ف عينيا ‏وخليت عقلي يقتلني من كثرة التفكير في قرار بعدك ‏هو أنت بعدت لي أصلا ‏أنا لحد ‏دلوقتي بسأل نفس السؤال ده ‏عشان يمكن القي اجابه اقتنع وارتاح بس للأسف مش لاقية ‏ رد على ‏الاسئله اللي في دماغي.
‏بقى ‏دلوقتي من كتر ‏الحزن اللي فيا جالي أمراض كتير صعب ان اخف منها ‏كل ده بسبب إني خايفة محتاجه أطمن ‏لوجود حد صح ف حياتي
‏أنا محتاجه انام ‏لو لمرة أخيرة في حياتي وأنا متطمنه ‏وبتمنه ‏إني أخف من كل حاجة الا منك