عبدالله جمعة في حوار صحفي .. ” هفضل في الزمالك وصالح الي هيجي يلعب جنبي ان شاء الله “

كتبت: ميار بسيوني

في لقاء مع عبدالله جمعة لاعب نادي الزمالك ومنتخب مصر قام بالإجابة عن العديد من الاسئلة علي النحو التالي ..

من هو مثلك الأعلى ؟
– مارسيلو

فريق تتمنى الاحتراف به ؟
– مانشستر سيتى

لو سمحت الفرصه بانك تلعب جنب صالح جمعه فالاهلى ؟
– لا هفضل في الزمالك وصالح هو اللى هيجى يلعب جنبى إنشاء الله

لو أمكن حصول عبدالرحمن جمعه (ناشئ الزمالك) بعرض من الاهلى ايه هيبقى رأيك ؟

– لا هقلوا خليك معايا فالزمالك .

أفضل مدرب تعاملت معه فالزمالك ؟

– أفضل مدرب جروس

رأيك فالمدير الفنى باتريس كارتيرون؟
– هو كويس وإنشاء الله الفتره الجايه تبقى احسن.

هوايه لعبدالله جمعه غير كره القدم؟
– بعشق بابجى.

علاقه صالح وعبدالرحمن جمعه بيك ؟
– انا اقرب لعبدالرحمن من صالح.

موقف طريف بينك وبين صالح جمعه ؟
– يوم ماتش الاهلى والمصرى كنت بلعب في المصري البورسعيدي وكنا كسبانين واحد ، قام صالح نزل من التيديل و الماتش شغال وقالى متخفش الماتش لسه مخلصش  ، بعدين الاهلي اتعادل راح قلى قوم ياحبيبى الماتش لسه مخلصش التانى جاى وفعلا جابوا جول تانى وجالى بعد الماتش قالى انت لسه صغير وقدامك المشوار طويل والكوره مكسب وخساره وبعدها فُزت مع الزمالك ب ٢ كأس مصر والكنفدرالية.

هل بتحصل على مسانده صالح جمعه برغم انه فالفريق المنافس ليك؟

– اكيد طبعا وهو اكتر واحد بيقف جنبى ويساندنى طول الوقت .

أفضل دورى من وجهه نظر عبدالله جمعه ؟

-الدورى الإنجليزي

ميسى ولا رونالدو ؟

– ميسى طبعا انا بشجع برشلونة .

مين ليه الفضل فصعود عبدالله جمعه؟

– كابتن. حسام حسن وقف جنبى كتير وساندنى وكابتن أمام محمدين له فضل كبير عليا.

مين اقرب حد لعبدالله جمعة في الفريق ؟

– كابتن محمد عبدالغني هوا اقرب حد ليا في الفريق ودايما بيساندني

عبدالله جمعه لما يحب يختم مسيرته يختمها فأنبى اول فريق لعبت فيه ولا الزمالك؟
– طبعا انبى فريق كبير واتعلمت فيه كتير بس هنهيها فالزمالك علشان هو اللى عمل عبدالله جمعه وله فضل كبير عليا.

من اطلق لقب بالو على عبدالله جمعه ؟
– صحابى فى سيناء ومحدش يعرف الاسم كتير بس انا بحبه.

وجه رساله لجماهير نادى الزمالك ؟
– بقلهم حقكوا علينا وبنوعدكوا ان الفتره الجايه هتبقى احسن وبتمنى انكوا تساندونا وتقفوا جنبنا.

نبذة عن الكاتب

مقالات ذات صله