الله يلعن كل خائن !! بقلم د.شحاته غريب نائب رئيس جامعة اسيوط

 

نشر الدكتور شحاتة غريب نائب رئيس جامعة اسيوط على صفحتة الفيس بوك هذة الكلمات التى تحكى الواقع الفعلى الذى تعيشة مصر

يقول غريب

مش ببساطة أوي:

الله يلعن كل خائن !!

أنا مستغرب من تعليقات البعض :
هو فين التهديد اللي في ليبيا؟!
خليكوا في سد النهضة!!
ولما نتكلم عن السد يقولوا التهديد الحقيقي إسرائيل !!!!

عارفين معنى دا ايه؟!

معنى خطير جدا وأقسم بالله على ذلك!!

معناه إنه مش رأيهم!!!!
رأي فضائيات عميلة بيشوفوها ويسمعوا الخونة والعملاء اللي بيتكلموا فيها..
هدفهم واحد فقط هو تشتيت المصريين.. تغييبهم عن أمنهم القومي..
جرهم للأسف لوادي تاني لخلق حالة من الفوضى وابعادهم عن الخطر اللي ممكن يهدد أمننا وسلامتنا !!!

يا سادة

ليبيا قضية أمن قومي..
سد النهضة قضية أمن قومي..
إسرائيل بقى اللي الخونة بيقولوا خليكوا في تهديدها..
إحنا اللي حاربنا إسرائيل عشان فلسطين والقضية العربية..
وإحنا اللي عارفين تهديد إسرائيل كويس جدا .. ومش منتظرين الخونة يقولوا نعمل ايه مع إسرائيل!!

طب ايه رأيكم يا جزيرة..
يا شرق..
يا مكملين..
يا كل خائن..
حاقولكم على فكرة مبادرة :
مبادرة إعلان تحرير القدس !

وعايزكم تطالبوا أردوغان الفاشي ومرتزقة السراج التحول إلى فلسطين دفاعا عن الأرض وعن القدس..
وحنكون كلنا معاكم.. أقسم بالله حنكون باسلحتنا معاكم!!

وقولوا لتميم ونظام قطر :

انت دفعت ٣٠ مليار دولار رشاوي عشان تستضيف بطولة كرة قدم !!!!!
ومليارات عديدة لدعم الإرهاب ونشر الفوضى وتخريب سوريا وليبيا والعراق واليمن ومحاولات تخريب تونس ومصر وغيره كتيييييير !!

قولوا لتميم مش عايزين منك يا عم مليارات ولا تزعل !!
عايزين جيشك يجي معانا ويحمل السلاح ضد إسرائيل وخلي ملياراتك لقصورك في أمريكا وأوروبا وبين الشلالات !!!

قولوا لأردوغان :

انت دخلت سوريا العربية بحجة أمنك القومي..
والخونة عندك زي مطر وناصر وزوبع وبولع ومولع وخولع وشولع شغالين ليل نهار يدافعوا عن تدخل تركيا في سوريا وإنها لازم تدافع عن أمنها القومي!!!

طب يا أولاد الكلب ” سوري للفظ ” مش عايزين مصر تدافع عن أمنها القومي!!!!

وشغالين تشتتوا النايمين في العسل .. لو قولنا ليبيا يقولوا سد النهضة ولو قولنا السد يقولوا إسرائيل!!!!

الله يلعنكم ويلعن كل خائن عميل رخيص باع نفسه عشان المال وشغال ضد بلده !!!

وستبقى مصر للأبد رغما عنكم جميعا بإذن الله…

#الله_يلعن_كل_خائن_لمصر
#وستبقى_مصر_شحاتة_غريب

نبذة عن الكاتب

مقالات ذات صله