مدرب من غير رخصه عربيه من غير سواق

 

988391_710071989044736_1792904252_n

 

1911612_710071692378099_367351873_n

كتب_وائل ربيع

هذا الموضوع مهم جدا ان يناقش ويناقش من خلال مدربيين الكره فى مصر وهل سقوط الكره فى مصر بسبب هذه الاكاديميات الغير مرخص لمدربيها ان يمارسوا مهنه تدريب كره القدم …. الكره الان احتراف ولابد وان يتم السيطره على من يمارس التدريب بغير سند قانونى لان اولادنا بيتم اللعب بهم من خلال هذه المدارس الغير شرعيه ومدربى هذه المدارس لا يتمتعوا بالقدره والخبره التدريبه فى هذا المجال نجد الملاعب الان بكثره فى الحوارى والشوارع والاراضى البور فى جميع المناطق هذه الملاعب بيتم تأجيرها بالساعه ومن الممكن عمل مدرسه لصاحب هذه الارض وتجد ان صاحب الارض معلم مهندس تاجر بتاع بصل المهم يمتلك ارض وقاما بعمل هذا المشروع او احضر واحد صديقه كان بيلعب معاه فى الشارع كوره وجعلهو مدرب قدير بدون الحصول على رخصه للتدريب من الاتحاد المصرى اللى نايم فى العسل بين المصالح والمشاكل يا ساده الكوره فى مصر لابد وان تبدء من القاعده مش من المنتخب المصرى المنتخب يا ساده اخر حاجه يصل اليها اللاعب لابد من الاهتمام بهذا الموضوع لو عندنا ناس بجد بتخطط صح وملهاش مصالح مع بعض
هل تعلم ان الفيس بوك اصبح هو الوسيط بين هذه المدارس وانصاف المدربيين والاولاد الذين يتمنوا ان يشاهدهم احد فى الانديه ويبدء هذا الشخص الذى لا يحمل هذه الرخصه فى ابتزاز هؤلاء على امل ان يلعبو فى احد الانديه وفى النهايه نجد لاعب ممتاز ضاع على يد واحد عديم الخبره والمعرفه باحوال كره القدم والسبب من يديروا الكره فى مصر بسبب الجهل والمصالح والمشاكل بينهم
ويقول مصطفى حسان انا رحت اكاديميه لكره القدم بتاعه واحد اسمه كابتن
احمد طاهر وكنت بدفع 100 جنيه فى الشهر واعطانى طقم كوره ب50 جنيه اضافيه وكان المفروض ان هيودينى نادى انبى بس كل ما اسأله امتى يقول لى انت لسه شويه عليك شد فى التمرين شويه علشان نروح نكون جاهزين ويقولى انا مكلم المدربيين هناك عليك وفضل هذا الحال اكثر من 7 اشهر وبعد كده اساله تانى يقولى لما يفتح القيد وعرفت انه مش مدرب ولا حاجه ولا يعرف حد فى انبى ولا فى اى نادى
ويقول طارق نبيل من موليد 95 لعب فى الاكاديميه وكان اسمها المستقبل وعرفتها عن طريق النت وكنت فاكر انها اكاديميه المستقبل اللى باشاهد اعلاناتها فى التلفزيون والقنوات الفضائيه ولما ذهبت اليها سألت قالى لى المدرب الكابتن اللى ماسك الاكاديميه دى فرع منها وعرفت انه كداب ولا يعرف حد فيها وهو نفسه ملعبش كوره قبل ذلك
المشكله كبيره يا ساده ناس بيتنصب عليها على امل ان ابنه يبقى مشهور ولاعب كوره كبير بس فى الحقيقه هناك جزء من الخطأ بيقع على ولى الامر الذى بيصدق هؤلاء الكدابيين الذين ليس لهم عمل فيتم عمل المدرسه لاكل العيش فقط وليس لظهور المواهب الحقيقيه والجزء الاكبر من الخطأ يقع على من يدير شئون اللعبه فى مصر وهو اتحاده الكره المصرى الذى بيسمح بوجود مثل هذه الاكاديميات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *