بوابة حديث مصر الإخبارية إخبارية, مستقلة, شاملة
نشر الصحفى فتحى ابو سليمان خواطر جريئة على صفحتة الفيس بوك وقال فى خواطرة::
القبض على نائب رئيس حي متلبس برشوة ١٠ آلاف جنيه
ماشي
طيب وحضرة الباشا اللي بيشطب في ڤيلتين وقصر مرة واحدة في التجمع والأثاث من إيطاليا
وسعادة البية اللي ڤيلته صرفت ٦ مليون في كمبوند دريم رغم ان راتبه بالحوافز والبدلات وخلافه ميكملش ١٥ الف جنبه
ومعالي الافندى اللي مسخر كل مكتبه وعلاقاته ورتبه ودبابيره للسمسرة وتخليص الصفقات
وجناب المسئول اللي مش بيمضي على اي ورقة ولا يوافق على اي طلب غير للسادة الأعضاء عشان يستخدمهم كحائط صد من المسائلة والمحاسبة
الكلام مش مرسل ودي جزئية من اللي حاصل وواقع مر شاربينه وريحة فاحت محدش عايز يشمها لأنهم عايشين وراضيين بيها
ارحموا ديك أبونا العتاولة بيدهسونا
